ഇന്ത്യൻ ടീമിലേക്ക് ഇതിഹാസ താരം എം എസ് ധോണി തിരിച്ചെത്തുമോയെന്ന കാര്യം അനിശ്ചിതത്വത്തിലാണ്. ഇന്ത്യയ്ക്കായി ധോണി ഇനി കളിക്കാന്‍ സാദ്ധ്യതയില്ലെന്ന് മുന്‍ ഇന്ത്യന്‍ താരം ഹര്‍ഭജന്‍ സിംഗ്.
വരുന്ന ഐപിഎല്ലില്‍ ധോണി തകര്‍പ്പന്‍ പ്രകടനം കാഴ്ച്ച വെച്ചാൽ പോലും നീലക്കുപ്പായത്തിൽ കളിക്കാൻ സാധ്യത ഇല്ലെന്ന് ഹർഭജൻ വിലയിരുത്തുന്നു. ഐ പി എല്ലിൽ മികച്ച പെർഫോമൻസ് കാഴ്ച വെയ്ക്കുകയാകാം ധോണിയുടെ ലക്ഷ്യമെന്നും ഹർഭജൻ പറയുന്നു.
ദേശീയ ക്രിക്കറ്റ് ടീമില്‍നിന്നു മാസങ്ങളായി വിട്ടു നില്‍ക്കുന്നുണ്ടെങ്കിലും ക്രിക്കറ്റ് പരിശീലനം ധോണി വീണ്ടും ആരംഭിച്ചിട്ടുണ്ട്. റാഞ്ചിയില്‍ രഞ്ജി ട്രോഫി ക്രിക്കറ്റ് ടീമിനൊപ്പം ബാറ്റിംഗ് പരിശീലനമുള്‍പ്പെടെ ധോണി നടത്തുന്നുണ്ട്. ഐപിഎല്‍ സീസണിന്റെ ഒരുക്കങ്ങളുടെ ഭാഗമായാണു പരിശീലനം എന്നാണു വിവരം.