കൃഷ്ണഗിരിയില്‍ എട്ടുകോടി രൂപ വിലവരുന്ന ഫോണുകള്‍ കണ്ടെയ്‌നര്‍ തടഞ്ഞുനിര്‍ത്തി കൊള്ളയടിച്ചു

തമിഴ്‌നാട്ടിലെ കൃഷ്ണഗിരിയില്‍ എട്ടുകോടി രൂപ വിലവരുന്ന ഫോണുകള്‍ കണ്ടെയ്‌നര്‍ തടഞ്ഞുനിര്‍ത്തി കൊള്ളയടിച്ചു. റെഡ്മി ഫോണുകളുമായി പോകുകയായിരുന്ന കണ്ടെയ്‌നര്‍ തടഞ്ഞു നിര്‍ത്തിയാണ് കൊള്ളനടത്തിയത്. ചെന്നൈ പൂനമല്ലിയില്‍ നിന്ന് മുംബെയിലേക്ക് പോകുകയായിരുന്നു കണ്ടെയ്‌നര്‍. 

ലോറിയില്‍ ഉണ്ടായിരുന്ന രണ്ടുഡ്രൈവര്‍മാരെ മര്‍ദ്ദിച്ച ശേഷമാണ് കൊള്ളസംഘം ഫോണ്‍ ശേഖരം കൊള്ളയടിച്ചത്. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.