തിരുവനന്തപുരം : സിനിമാ വിതരണ കമ്പനി പ്രതിനിധി ആയി ചമഞ്ഞ് സംസ്ഥാനത്തെ വിവിധ സിനിമാ തിയേറ്ററുകളില്‍ നിന്ന് 30 ലക്ഷം രൂപ തട്ടിയെടുത്തു എന്ന പരാതിയില്‍ അഞ്ചല്‍ സ്വദേശിക്കെതിരെ പോലീസ് കേസെടുത്തു. ഈയിടെ റിലീസ് ചെയ്ത വിരുന്ന് എന്ന ചിത്രത്തിന്റെ നിര്‍മ്മാതാക്കളായ നെയ്യാര്‍ ഫിലിംസാണ് പോലീസില്‍ പരാതി നല്‍കിയത്.
ചിത്രത്തിന്റെ പ്രീ പ്രൊഡക്ഷന്‍ ജോലിക്കായി എത്തിയ ഷമീം സിനിമാ കമ്പനിയുടെ പ്രതിനിധിയായി സ്വയം തിയേറ്റര്‍ ഉടമകളുമായി ബന്ധപ്പെടുകയായിരുന്നു. ഇതിനായി വ്യാജ ലറ്റര്‍ പാഡുകളും ഇന്‍വോയിസും തയ്യാറാക്കിയാണ് പണം സ്വന്തം അക്കൗണ്ടിലേക്ക് വാങ്ങിയത് എന്നാണ് പരാതിയില്‍ പറയുന്നത്. സിനിമയുടെ സഹനിര്‍മ്മാതാവായ ശ്രീകാന്ത് സുകുമാറാണ് പോലീസില്‍ പരാതി നല്‍കിയത്.
