മുംബൈ പൊലീസ് ഓഫീസര്‍ എന്ന വ്യാജേന വീഡിയോ കോളിലൂടെ പണം തട്ടുന്ന യുവാവിനെ പൊളിച്ചടുക്കി തൃശൂര്‍ സിറ്റി പൊലീസ്. പൊലീസ് യൂണിഫോമില്‍ വീഡിയോ കോള്‍ ചെയ്ത തട്ടിപ്പുകാരന്‍ മറുവശത്തുള്ള ആളെ കണ്ട് ഞെട്ടി. തൃശൂര്‍ സൈബര്‍ സെല്‍ എസ്.ഐ ഫീസ്റ്റോ ടി.ഡിയാണ് വീഡിയോ കോള്‍ അറ്റന്‍ഡ് ചെയ്തത്. ഒറിജിനല്‍ പൊലീസിനെ കണ്ടതും 'വ്യാജന്‍' പരുങ്ങലിലായി. ഇതിന്റെ വീഡിയോ തൃശൂര്‍ സിറ്റി പൊലീസ് ഔദ്യോഗിക ഫെയ്‌സ്ബുക്ക് പേജിലൂടെ പങ്കുവെച്ചിട്ടുണ്ട്.
ഇരകളാകുന്ന ആളുകള്‍ ഭയന്ന് ബാങ്ക് വിവരങ്ങള്‍ കൈമാറുന്നു. പിന്നീടാണ് വഞ്ചിക്കപ്പെട്ടു എന്ന് മനസിലാക്കുക. ഒരു കാരണവശാലും ബാങ്ക് വിവരങ്ങള്‍ കൈമാറരുതെന്നും ഇത്തരം കോളുകള്‍ അവഗണിക്കണമെന്നും സൈബര്‍ സെല്‍ ഉദ്യോഗസ്ഥര്‍ പറയുന്നു.