മികച്ച കുട്ടികളുടെ ചിത്രത്തിനുള്ള സംസ്ഥാന അവാര്‍ഡ് നേടിയ 'കോലു മിട്ടായി' എന്ന സിനിമയുടെ എഴുത്തുകാരന്‍ അഭിജിത്ത് അശോകന്‍ ആദ്യമായി സംവിധാനം ചെയ്യുന്ന ചിത്രമാണ് ജനനം: 1947, പ്രണയം തുടരുന്നു. ചിത്രം ഇന്നുമുതല്‍ തിയറ്ററുകളിലേക്ക്.
കേരളത്തിലെ തിയറ്ററുകളുടെ ലിസ്റ്റും അണിയറക്കാര്‍ പുറത്ത് വിട്ടിട്ടുണ്ട്.
ലീല സാംസണും കോഴിക്കോട് ജയരാജനും പ്രധാന കഥാപാത്രങ്ങളെ അവതരിപ്പിക്കുന്നു. ലീലയുടെ ആദ്യ മലയാള ചിത്രമാണിത്. സിനിമയെക്കുറിച്ച് സംവിധായകന്‍ പറഞ്ഞത് ഇങ്ങനെയാണ്,
' പ്രണയം ഏത് പ്രായത്തിലും ഉണ്ടാകാമെന്ന് എനിക്ക് തോന്നുന്നു, അതുകൊണ്ടാണ് ഈ സിനിമ ചെയ്യാന്‍ ഞാന്‍ ആഗ്രഹിച്ചത്. ഇതൊരു പക്കാ ഫീല്‍ ഗുഡ്, കൊമേഴ്സ്യല്‍ എന്റര്‍ടെയ്നര്‍ ആണ്'-അഭിജിത്ത് അശോകന്‍ പറഞ്ഞു.