തിരുവനന്തപുരത്തെ ഗ്രീന്‍ഫീല്‍ഡ് സ്റ്റേഡിയവും സിനിമയ്ക്കായി ഒരുങ്ങുന്നുണ്ട്. 3000 ത്തോളം വരുന്ന ജൂനിയര്‍ ആര്‍ട്ടിസ്റ്റുകളെ വച്ചാകും ഇവിടെയുള്ള രംഗങ്ങള്‍ ചിത്രീകരിക്കുക. തിരുവനന്തപുരം ഇന്റര്‍നാഷണല്‍ എയര്‍പോര്‍ട്ടിലും ചെറിയ ഭാഗങ്ങള്‍ ചിത്രീകരിക്കാന്‍ ഉണ്ട്. നേരത്തെ ശ്രീലങ്കയില്‍ വച്ച് ക്ലൈമാക്‌സ് ഷൂട്ട് ചെയ്യാനായിരുന്നു നിര്‍മ്മാതാക്കള്‍ തീരുമാനിച്ചിരുന്നത്. അതാണ് കേരളത്തിലേക്ക് മാറ്റിയിരിക്കുന്നത്.
ഇരട്ട വേഷത്തില്‍ ആകും വിജയ് ചിത്രത്തില്‍ അഭിനയിക്കുക. അച്ഛനും മകനുമായി വേഷമിടും. 20 കാരനായ വിജിയെയും സിനിമയില്‍ കാണാനാകും.ഡി ഏയ്ജിങ് ടെക്‌നോളജിയിലാകും വിജയ്യുടെ ചെറുപ്പം സിനിമയില്‍ അവതരിപ്പിക്കുക.ഹോളിവുഡ് സിനിമകളായ ജെമിനി മാന്‍, ഡിബി കൂപ്പര്‍ എന്നിവയില്‍ നിന്നും പ്രചോദനമുള്‍ക്കൊണ്ടാണ് ഗോട്ട് നിര്‍മ്മിക്കുന്നത് എന്നാണ് റിപ്പോര്‍ട്ടുകള്‍.
