ബിഗ്ബോസ് സീസൺ ആറിൽ മിനിസ്ക്രീൻ പ്രേക്ഷകർക്ക് സുപരിചിതയായ ശ്രീതു കൃഷ്ണനും. 2020ൽ ആരംഭിച അമ്മയറിയാതെ സീരിയലിലെ അലീന പീറ്റർ എന്ന കഥാപാത്രത്തെയാണ് താരം അവതരിപ്പിച്ചത്. അമ്മ- മകൾ ബന്ധം പറയുന്ന സീരിയൽ വളരെ വേഗം തന്നെ റേറ്റിംഗിലും മുൻപന്തിയിലെത്തിയിരുന്നു. എറണാകുളം സ്വദേശിയായ ശ്രീതു കൃഷ്ണൻ 1999 മെയിലാണ് ജനിച്ചത്, ചെന്നൈ സെൻ്റ് സേവ്യർ സ്കൂളിൽ നിന്നായിരുന്നു വിദ്യഭ്യാസം. തുടർന്ന് ചെന്നൈയിലെ എതിരാജ് കോളേജിൽ നിന്ന് ബിരുദം സ്വന്തമാക്കി.
തമിഴ് സീരിയലുകളിലൂടെ കരിയർ ആരംഭിച്ച ശ്രീതു വിജയ് ടിവിയിലെ 7 സി ടിവി എന്ന പരമ്പരയിലാണ് തുടക്കമിട്ടത്. പിന്നാലെ ആയുധ എഴുത്ത് സീരിയലിൽ ശ്രദ്ധേയമായ വേഷം ചെയ്തു. തമിഴകത്തെ ഒട്ടുമിക്ക ചാനലുകളിലെ സീരിയലുകളിലും ശ്രീതു തിളങ്ങി നിന്നിരുന്നു. ഇതിനെല്ലാം ശേഷമാണ് ഏഷ്യാനെറ്റിലെ അമ്മയറിയാതെ സീരിയലിലൂടെ ശ്രീതു മലയാളത്തിലെത്തിയത്.