Wiaan Mulder panic moment
വെസ്റ്റിന്‍ഡീസ് ഇതിഹാസതാരം ബ്രയാന്‍ ലാറയുടെ ടെസ്റ്റ് റെക്കോര്‍ഡ് മറികടക്കാന്‍ അവസരമുണ്ടായിട്ടും ഇന്നിങ്ങ്‌സ് ഡിക്ലയര്‍ ചെയ്ത വിയാന്‍ മുള്‍ഡറാണ് കഴിഞ്ഞ കുറച്ച് നാളുകളായി ക്രിക്കറ്റ് ലോകത്തെ പ്രധാനസംസാരവിഷയം. ലാറയോടുള്ള ബഹുമാനം കാരണമാണ് റെക്കോര്‍ഡ് വേണ്ടെന്ന് വെച്ചതെന്നും ആ റെക്കോര്‍ഡ് സൂക്ഷിക്കാന്‍ അര്‍ഹന്‍ ലാറ തന്നെയാണെന്നും മത്സരശേഷം മുള്‍ഡര്‍ പറഞ്ഞിരുന്നു. എന്നാല്‍ മുള്‍ഡര്‍ പരിഭ്രാന്തനായെന്നും കാണിച്ചത് മണ്ടത്തരമാണെന്നുമാണ് മറ്റൊരു വെസ്റ്റിന്‍ഡീസ് താരമായ ക്രിസ് ഗെയ്ല്‍ പറയുന്നത്. ജീവിതത്തില്‍ ഒരിക്കല്‍ മാത്രം ലഭിക്കുന്ന ഒരു അവസരമാണ് മുള്‍ഡര്‍ നഷ്ടപ്പെടുത്തിയതെന്നും ഗെയ്ല്‍ കൂട്ടിച്ചേര്‍ത്തു.
