ടൂര്‍ണമെന്റില്‍ ഉടനീളം ഗംഭീര പ്രകടനങ്ങള്‍ നടത്തിയ ഇന്ത്യയ്ക്ക് അഭിനന്ദനങ്ങളെന്നാണ് രാഹുല്‍ ഗാന്ധി എക്‌സില്‍ കുറിച്ചത്. സൂര്യകുമാര്‍ യാദവിന്റെ ക്യാച്ചിനെയും രോഹിത് ശര്‍മയുടെ നായകമികവിനെയും കോച്ചെന്ന നിലയില്‍ രാഹുല്‍ ദ്രാവിഡിന്റെ പ്രവര്‍ത്തനങ്ങളെയും രാഹുല്‍ ഗാന്ധി അഭിനന്ദിച്ചു. അതേസമയം മുഖ്യമന്ത്രി പിണറായി വിജയന്‍, പ്രതിപക്ഷ നേതാവ് വിഡി സതീശന്‍ അടക്കമുള്ളവരും അഭിനന്ദങ്ങളുമായി രംഗത്തുവന്നു.
മമ്മൂട്ടി,മോഹന്‍ലാല്‍ തുടങ്ങി സിനിമാ- രാഷ്ട്രീയ- സാംസ്‌കാരിക മേഖലകളിലെ പ്രമുഖരും ഇന്ത്യന്‍ ടീമിന് അഭിനന്ദനങ്ങളുമായി രംഗത്തെത്തി. ടൂര്‍ണമെന്റില്‍ ഉടനീളം പുലര്‍ത്തിയ ആത്മവിശ്വാസവും മികവും കടുത്ത മത്സരം നേരിട്ട ഫൈനലിലും തുടരാന്‍ ഇന്ത്യയ്ക്കായെന്നും രാജ്യത്തിന് എന്തെന്നില്ലാത്ത ആനന്ദവും അഭിമാനവും പകരുന്ന ഈ വിജയം കായികമേഖലയില്‍ കൂടുതല്‍ ഉയരങ്ങള്‍ കീഴടക്കാന്‍ പ്രചോദനമാകുമെന്നും മുഖ്യമന്ത്രി പറഞ്ഞു.
