അഫ്ഗാനിസ്ഥാനെതിരായ മത്സരത്തില്‍ പാക്കിസ്ഥാന്‍ തോല്‍ക്കാനുള്ള പ്രധാന കാരണം അവരുടെ മോശം ഫീല്‍ഡിങ് ആണ്. നിര്‍ണായക സമയത്ത് ക്യാച്ചുകളും ബൗണ്ടറികളും നഷ്ടപ്പെടുത്തി പാക് താരങ്ങള്‍ അഫ്ഗാനിസ്ഥാന്റെ വിജയത്തില്‍ നിര്‍ണായക പങ്കുവഹിച്ചു. ഐസിസി ഇവന്റുകളിലെ പാക് താരങ്ങളുടെ മോശം ഫീല്‍ഡിങ് പ്രകടനം ഇത്തവണയും തുടരുകയാണ്. അഫ്ഗാനിസ്ഥാനെതിരായ മത്സരത്തിനിടെ പാക് താരങ്ങളുടെ മോശം ഫീല്‍ഡിങ് കണ്ട് ടീം ഡയറക്ടര്‍ മിക്കി ആര്‍തര്‍ ഡ്രസിങ് റൂമിലേക്ക് എഴുന്നേറ്റു പോയ വീഡിയോയാണ് ഇപ്പോള്‍ വൈറലായിരിക്കുന്നത്.