World Cup 2023: അഫ്ഗാനിസ്ഥാനെതിരായ മത്സരത്തില്‍ തോറ്റതോടെ പാക്കിസ്ഥാന്റെ സെമി സാധ്യതകള്‍ തുലാസില്‍. അഞ്ച് മത്സരങ്ങള്‍ പൂര്‍ത്തിയാകുമ്പോള്‍ രണ്ട് ജയവും മൂന്ന് തോല്‍വിയുമായി പോയിന്റ് പട്ടികയില്‍ അഞ്ചാം സ്ഥാനത്താണ് പാക്കിസ്ഥാന്. മൂന്നും നാലും സ്ഥാനങ്ങളിലുള്ള ദക്ഷിണാഫ്രിക്കയും ഓസ്‌ട്രേലിയയും നാല് കളികള്‍ മാത്രമേ കളിച്ചിട്ടുള്ളൂ. ആദ്യ നാലിലേക്ക് തിരിച്ചെത്തണമെങ്കില്‍ പാക്കിസ്ഥാന് ഇനിയുള്ള കളികള്‍ അതീവ നിര്‍ണായകമാണ്. മാത്രമല്ല നെറ്റ് റണ്‍റേറ്റും പാക്കിസ്ഥാന് തിരിച്ചടിയാകും. -0.400 ആണ് പാക്കിസ്ഥാന്റെ ഇപ്പോഴത്തെ നെറ്റ് റണ്‍റേറ്റ്.
