ശേഷിക്കുന്ന എല്ലാ മത്സരങ്ങളിലും ജയിച്ചാലും രാജസ്ഥാനു 14 പോയിന്റ് മാത്രമേ ആകൂ. 10 കളികളില്‍ നിന്ന് 14 പോയിന്റോടെ പ്ലേ ഓഫിനോടു ഏറ്റവും അടുത്തു നില്‍ക്കുന്ന ടീം റോയല്‍ ചലഞ്ചേഴ്‌സ് ബെംഗളൂരുവാണ്. ശേഷിക്കുന്ന നാല് കളികളില്‍ ഒരു ജയം മതി ആര്‍സിബിക്ക് രാജസ്ഥാന്‍ നേടാന്‍ സാധ്യതയുള്ള പരമാവധി പോയിന്റായ 14 മറികടക്കാന്‍.
ഗുജറാത്ത് ടൈറ്റന്‍സ്, ഡല്‍ഹി ക്യാപിറ്റല്‍സ് എന്നീ ടീമുകള്‍ക്ക് ഒന്‍പത് കളികളില്‍ നിന്ന് 12 പോയിന്റുണ്ട്. ശേഷിക്കുന്ന അഞ്ച് മത്സരങ്ങളില്‍ രണ്ട് ജയം മാത്രം മതി ഈ ടീമുകള്‍ക്ക് രാജസ്ഥാന്റെ പരമാവധി പോയിന്റായ 14 മറികടക്കാന്‍. 10 കളികളില്‍ നിന്ന് 12 പോയിന്റുള്ള മുംബൈ ഇന്ത്യന്‍സിനാകട്ടെ ശേഷിക്കുന്ന നാലില്‍ രണ്ടെണ്ണം ജയിച്ചാല്‍ രാജസ്ഥാന്റെ പരമാവധി പോയിന്റ് മറികടക്കാം. പോയിന്റ് ടേബിളില്‍ ഏഴാമത് നില്‍ക്കുന്ന കൊല്‍ക്കത്ത നൈറ്റ് റൈഡേഴ്‌സിനു പോലും അവരുടെ ശേഷിക്കുന്ന അഞ്ച് കളികളില്‍ നാല് ജയം ലഭിച്ചാല്‍ രാജസ്ഥാന്റെ പരമാവധി പോയിന്റിനേക്കാള്‍ ഒരു പോയിന്റ് അധികം നേടാനുള്ള സാധ്യത നിലനില്‍ക്കുന്നു.
