ആർബിഐയുടെ പണനയ പ്രഖ്യാപനം ഇന്ന് പുറത്തുവന്നതോടെ ഓഹരിവിപണിയുടെ കരുത്ത് തിരിച്ചുപിടിച്ച് ഓഹരിവിപണി. സെൻസെക് 1,400 പോയന്റിലേറെ മുന്നേറ്റം നടത്തി. നിഫ്റ്റിയിൽ 300 പോയന്റിന്റെ ഉണർവുണ്ടായി. പലിശ നിരക്കിൽ തൽസ്ഥിതി നിലനിർത്തിയതോടെ ബാങ്ക്,ഓട്ടോ,റിയൽ എസ്റ്റേറ്റ് തുടങ്ങിയ വിഭാഗങ്ങളിലെ ഓഹരികളിൽ 8 ശതമാനത്തോളം കുതിപ്പുണ്ടായി.
നടപ്പുസാമ്പത്തിക വർഷം ഇന്ത്യ 7.2 ശതമാനം വളർച്ച രേഖപ്പെടുത്തുമെന്ന ആർബിഐ അനുമാനവും കേന്ദ്രത്തിൽ പ്രധാനമന്ത്രി നരേന്ദ്രമോദിയുടെ നേതൃത്വത്തിൽ എൻഡിഎ സർക്കാർ വീണ്ടും അധികാരത്തിൽ വരുന്നതുമാണ് വിപണിയിൽ പ്രതിഫലിക്കുന്നത്. ഇൻഫോസിസ്,റിലയൻസ്,എച്ച്ഡിഎഫ്‌സി,ഐസിഐസിഐ ബാങ്ക് ഓഹരികളാണ് പ്രധാനമായും ലാഭമുണ്ടാക്കിയത്.