മുംബൈയുടെ താജ്മഹല്‍, ഇന്ത്യയുടെ കവാടം തുടങ്ങിയ വിശേഷണങ്ങള്‍ ഉള്ള ഗേറ്റ് വേ ഓഫ് ഇന്ത്യയ്ക്ക് 90-)ം പിറന്നാള്‍. അറബിക്കടലിലേക്കു നോക്കി നില്‍ക്കുന്ന രീതിയില്‍ ഹിന്ദു, മുസ്ലിം കെട്ടിടനിര്‍മാണ ശൈലികള്‍ ഏകോപിപ്പിച്ചാണു രൂപകല്‍പന ചെയ്ത ഈ അത്ഭുത കവാടം ബ്രിട്ടനിലെ ജോര്‍ജ് അഞ്ചാമന്‍ രാജാവിന്റെ ബോംബെ സന്ദര്‍ശനത്തിന്റെ സ്മരണാര്‍ഥമാണു നിര്‍മിച്ചത്.
1924 ഡിസംബര് നാലിനായിരുന്നു ഇതിന്റെ ഉദ്ഘാടനം. 85 അടി ഉയരമുള്ള ഈ കവാടം ഇന്ന് വിനോദ സഞ്ചാര കേന്ദ്രമാണ്. എന്നാല്‍ 90 പിറന്നാളിലേക്ക് കടക്കുമ്പോഴും അതിന്റെ ആഘോഷങ്ങള്‍ സര്‍ക്കാര്‍ നടത്താന്‍ സാധ്യതയില്ല. പിറന്നാളുമായി ബന്ധമില്ലെങ്കിലും നാവികസേനാ പശ്ചിമ കമാന്‍ഡിന്റെ ബീറ്റിങ് റിട്രീറ്റ് നവതി നാളില്‍ നഗരകവാടത്തിനു പ്രൌഢി പകരും.