രാജ്യത്ത് കോവിഡ് വ്യാപനം വീണ്ടും രൂക്ഷമാകുന്നതിന്റെ ലക്ഷണങ്ങള് കണ്ടുതുടങ്ങി. കഴിഞ്ഞ 24 മണിക്കൂറിനിടെ രാജ്യത്ത് 13,216 പേര്ക്ക് കോവിഡ് സ്ഥിരീകരിച്ചു. 113 ദിവസത്തിനിടെ ആദ്യമായാണ് രാജ്യത്ത് പ്രതിദിന കോവിഡ് രോഗികളുടെ എണ്ണം 13,000 കടക്കുന്നത്.
ഇതോടെ സജീവ കോവിഡ് രോഗികളുടെ എണ്ണം 68,108 ആയി. കഴിഞ്ഞ 24 മണിക്കൂറിനിടെ 23 പേര് കോവിഡ് ബാധിച്ച് മരിച്ചു. രാജ്യത്തെ ആകെ കോവിഡ് മരണസംഖ്യ 5,24,840 ആയി. കോവിഡ് പോസിറ്റിവിറ്റി നിരക്ക് 2.73 ശതമാനമാണ്.