സിനിമ നയരൂപീകരണ സമിതിയില്‍ നിന്ന് നടന്‍ മുകേഷിനെ ഒഴിവാക്കി. ഹേമ കമ്മിറ്റി റിപ്പോര്‍ട്ട് പുറത്തുവരികയും മുകേഷിനെതിരെ ലൈംഗിക ആരോപണങ്ങള്‍ ഉന്നയിക്കപ്പെടുകയും ചെയ്തതോടെ മുകേഷിനെ സിനിമ നയരൂപീകരണ സമിതിയില്‍ നിന്ന് മാറ്റണമെന്ന ആവശ്യം ഉയര്‍ന്നിരുന്നു. അതേസമയം ഫെഫ്ക അധ്യക്ഷന്‍ ബി.ഉണ്ണികൃഷ്ണന്‍ അടക്കം മറ്റ് 9പേരും സമിതിയില്‍ തുടരും.
നവംബര്‍ പകുതി കഴിഞ്ഞ് കൊച്ചിയില്‍ കോണ്‍ക്ലേവ് സംഘടിപ്പിക്കാനാണ് തീരുമാനം. ചലച്ചിത്ര വികസന കോര്‍പറേഷന്‍ ചെയര്‍മാന്‍ ഷാജി എന്‍ കരുണിനാകും നടത്തിപ്പ് ചുമതല.