IPL 2024 Final: ഐപിഎല്‍ 2024 സീസണിനു നാളെ കലാശക്കൊട്ട്. ചെന്നൈ ചിദംബരം സ്റ്റേഡിയത്തില്‍ നടക്കുന്ന ഫൈനലില്‍ കൊല്‍ക്കത്ത നൈറ്റ് റൈഡേഴ്‌സിന് സണ്‍റൈസേഴ്‌സ് ഹൈദരബാദാണ് എതിരാളികള്‍. ഇന്ത്യന്‍ സമയം രാത്രി 7.30 മുതലാണ് മത്സരം.
ഈ സീസണില്‍ രണ്ട് തവണയാണ് കൊല്‍ക്കത്തയും ഹൈദരബാദും ഏറ്റുമുട്ടിയിരിക്കുന്നത്. രണ്ടിലും ജയം കൊല്‍ക്കത്തയ്‌ക്കൊപ്പം ആയിരുന്നു. ഗ്രൂപ്പ് ഘട്ടത്തില്‍ നാല് റണ്‍സിനും ക്വാളിഫയറില്‍ എട്ട് വിക്കറ്റിനുമാണ് കൊല്‍ക്കത്ത ജയിച്ചത്.
പോയിന്റ് ടേബിളില്‍ ഒന്നാം സ്ഥാനക്കാരായാണ് കൊല്‍ക്കത്ത പ്ലേ ഓഫില്‍ എത്തിയത്. ഹൈദരബാദ് രണ്ടാം സ്ഥാനക്കാരായും.
