ടോസ് നഷ്ടപ്പെട്ടു ആദ്യം ബാറ്റ് ചെയ്ത ഹൈദരബാദ് നിശ്ചിത 20 ഓവറില്‍ ഒന്‍പത് വിക്കറ്റ് നഷ്ടത്തില്‍ 175 റണ്‍സ് മാത്രമാണ് നേടിയത്. രാജസ്ഥാന് അനായാസം ചേസ് ചെയ്യുമെന്ന് തോന്നിയെങ്കിലും നായകന്‍ സഞ്ജു സാംസണ്‍ അടക്കമുള്ളവര്‍ ബാറ്റിങ്ങില്‍ നിരാശപ്പെടുത്തി. നിശ്ചിത 20 ഓവറില്‍ ഏഴ് വിക്കറ്റ് നഷ്ടത്തില്‍ 139 റണ്‍സെടുക്കാനേ രാജസ്ഥാന് കഴിഞ്ഞുള്ളൂ. 35 പന്തില്‍ 56 റണ്‍സെടുത്ത ധ്രുവ് ജുറലും 21 പന്തില്‍ 42 റണ്‍സെടുത്ത യഷസ്വി ജയ്‌സ്വാളും മാത്രമാണ് സണ്‍റൈസേഴ്‌സിനു മുന്നില്‍ പിടിച്ചു നിന്നത്.
നാല് ഓവറില്‍ 23 റണ്‍സ് മാത്രം വഴങ്ങി മൂന്ന് വിക്കറ്റ് വീഴ്ത്തിയ ഷഹബാസ് അഹമ്മദും നാല് ഓവറില്‍ 24 റണ്‍സ് വഴങ്ങി രണ്ട് വിക്കറ്റ് വീഴ്ത്തിയ അഭിഷേക് ശര്‍മയുമാണ് ഹൈദരബാദിന്റെ രക്ഷകരായത്. പാറ്റ് കമ്മിന്‍സ്, ടി.നടരാജന്‍ എന്നിവര്‍ ഓരോ വിക്കറ്റ് വീഴ്ത്തി.
