ചെര്‍ണിവിവില്‍ റഷ്യ നടത്തിയ വ്യോമയാക്രമണത്തില്‍ ഇതുവരെ 22പേരുടെ മൃതദേഹങ്ങള്‍ കണ്ടെടുത്തു. കെട്ടിടാവശിഷ്ടങ്ങള്‍ക്കിടയില്‍ നിന്നാണ് മൃതദേഹങ്ങള്‍ കണ്ടെത്തിയത്. യുക്രൈന്‍ എമര്‍ജന്‍സി സര്‍വീസസാണ് ഇക്കാര്യം വ്യക്തമാക്കിയത്. യുദ്ധത്തില്‍ നൂറുകണക്കിന് റഷ്യന്‍ സൈനികര്‍ കൊല്ലപ്പെട്ടതായി മോസ്‌കോ അറിയിച്ചു. ഏഴുദിവസത്തിനുള്ളില്‍ പത്തുലക്ഷത്തോളം പേരാണ് യുക്രൈന്‍ വിട്ടത്. പാലായനം ചെയ്യുന്നവര്‍ക്ക് സുരക്ഷ ഒരുക്കുമെന്ന് യൂറോപ്യന്‍ യൂണിയന്‍ അറിയിച്ചു.