ക്ലബ് ലോകകപ്പിലെ അല്‍ ഹിലാലിനെതിരായ മത്സരത്തില്‍ സമനിലയില്‍ കുരുങ്ങി റയല്‍ മാഡ്രിഡ്. മത്സരത്തിന്റെ ഇഞ്ചുറി സമയത്ത് ലഭിച്ച പെനാല്‍റ്റി അവസരം ഫെഡറിക്കോ വാല്‍വര്‍ദേ പാഴാക്കിയതോടെ മത്സരം സമനിലയില്‍ കുരുങ്ങുകയായിരുന്നു. കിലിയന്‍ എമ്പാപ്പെയില്ലാതെ ഇറങ്ങിയ റയല്‍ മാഡ്രിഡിന് മത്സരത്തിലുടനീളം കാര്യമായ മുന്നേറ്റങ്ങളൊന്നും നടത്താനായില്ല. പരിശീലകനെന്ന നിലയില്‍ സാബി അലാന്‍സോ ചുമതലയേറ്റ ശേഷമുള്ള ആദ്യ മത്സരമായിരുന്നു ഇത്.
