മത്സരത്തിന്റെ ഇരുപതാം മിനിറ്റില്‍ ആയിരുന്നു നാടകീയസംഭവങ്ങള്‍ നടന്നത്. മത്സരത്തില്‍ മെസ്സിയെ പൂട്ടാന്‍ യുറുഗ്വേന്‍ താരങ്ങള്‍ പലപ്പോഴും ശാരീരികമായി ശ്രമിച്ചിരുന്നു. ഇതിനെതിരെ ഡിപോളിനെതിരെ മത്തിയാസ് മോശം പരാമര്‍ശം നടത്തി. ഇതിന് പിന്നാലെ ഓടിയെത്തിയ മി അപ്രതീക്ഷിതമായി മത്തിയാസിന്റെ കുത്തിന് പിടിച്ചു തള്ളുകയായിരുന്നു. മത്സരം കയ്യാങ്കളിയിലേക്ക് പോകുമെന്ന് തോന്നിച്ചെങ്കിലും ഇരുടീമിലെയും കളിക്കാരെത്തി ഇരുവരെയും പിടിച്ചുമാറ്റി. എന്നാല്‍ സംഭവത്തില്‍ മെസ്സിക്ക് റഫറി റെഡ് കാര്‍ഡൊന്നും നല്‍കാത്തതില്‍ സമൂഹമാധ്യമങ്ങളില്‍ വിമര്‍ശനം രൂക്ഷമാണ്. ലോകകപ്പിന് ശേഷം ടീമില്‍ തിരിച്ചെത്തിയ മെസ്സിയുടെ ഉറ്റ സുഹൃത്ത് ലൂയി സുവാരസും ഇന്നലെ ഡഗൗട്ടിലുണ്ടായിരുന്നു.