ഐപിഎല്‍ മത്സരങ്ങള്‍ ശനിയാഴ്ച വീണ്ടും തുടങ്ങാനിരിക്കെ ഫ്രാഞ്ചൈസികള്‍ക്ക് ആശ്വാസം നല്‍കുന്ന തീരുമാനവുമായി ബിസിസിഐ. ഇന്ത്യയിലെ യുദ്ധ സമാനമായ സാഹചര്യത്തില്‍ മടങ്ങിപോയ വിദേശതാരങ്ങള്‍ തിരിച്ചെത്തിയില്ലെങ്കില്‍ അവര്‍ക്ക് പകരക്കാരായി പുതിയ താരങ്ങളെ ഉള്‍പ്പെടുത്താനുള്ള അനുമതിയാണ് ബിസിസിഐ നല്‍കിയിരിക്കുന്നത്. പരിക്കേറ്റ താരങ്ങള്‍ക്ക് പകരവും പുതിയ താരങ്ങളെ ഉള്‍പ്പെടുത്താം. എന്നാല്‍ ഇത്തരത്തില്‍ പകരക്കാരായി വരുന്ന താരങ്ങള്‍ക്ക് അടുത്ത സീസണില്‍ ടീമിനൊപ്പം തുടരാനാകില്ലെന്നും അടുത്ത താരലേലത്തില്‍ രജിസ്റ്റര്‍ ചെയ്ത് ടീമിലെത്തിയാല്‍ മാത്രമെ ഐപിഎല്‍ കളിക്കാനാകുവെന്നും ബിസിസിഐ വ്യക്തമാക്കി.
