Musztafisur Delhi Capitals
ഐപിഎല്ലിലെ തുടര്‍ന്നുള്ള മത്സരങ്ങളില്‍ നിന്നും ഓസീസ് താരം ജേക് ഫ്രേസര്‍ മഗ്രുക് പിന്മാറിയതോടെ പകരക്കാരനെ പ്രഖ്യാപിച്ച് പുലിവാല് പിടിച്ച് ഡല്‍ഹി ക്യാപ്പിറ്റല്‍സ്. മഗ്രുക് കളിക്കില്ലെന്ന നിലപാടെടുത്തതോടെ പകരക്കാരനായി ബംഗ്ലദേശ് പേസര്‍ മുസ്തഫിസുര്‍ റഹ്മാനെ ഡല്‍ഹി ടീമിലെടുത്തത്. മുസ്തഫിസുര്‍ ഐപിഎല്ലില്‍ കളിക്കുമെന്ന് ഡല്‍ഹി ക്യാപ്പിറ്റല്‍സ് എക്‌സ് പ്ലാറ്റ്‌ഫോമിലൂടെ അറിയിക്കുകയും ചെയ്തു. എന്നാല്‍ മുസ്തഫിസുറിനെ ഐപിഎല്‍ കളിപ്പിക്കുന്ന കാര്യത്തില്‍ യാതൊരു അറിയിപ്പും ലഭിച്ചിട്ടില്ലെന്നാണ് ബംഗ്ലാദേശ് ക്രിക്കറ്റ് ബോര്‍ഡ് പറയുന്നത്.
