സംസ്ഥാനത്ത് പുതിയതായി കൊവിഡ് 19 വൈറസ് അണുബാധ സ്ഥിരീകരിച്ചതിന് പിന്നാലെ ജനങ്ങളെ ആശങ്കയിലാഴ്ത്തി വ്യാജസന്ദേശങ്ങൾ പ്രചരിക്കുന്നു.എറണാകുളം എ സി പിയായ കെ ലാൽജിയുടേതാണെന്ന തരത്തിൽ പ്രചരിക്കുന്ന ശബ്‌ദസന്ദേശമാണ് ഒടുവിലായി പുറത്തിറങ്ങിയത്. രണ്ടാഴ്ച്ചക്കുള്ളിൽ കൊറോണ വൈറസ് പടർന്നുപിടിക്കുമെന്നാണ് വ്യാജ ശബ്‌ദസന്ദേശത്തിൽ പറയുന്നത്.
ഇത്തരത്തിൽ പല രീതിയിൽ സമൂഹമാധ്യമങ്ങൾ വഴി വ്യാജ സന്ദേശങ്ങൾ പ്രചരിക്കുന്നുണ്ട്. സംഭവത്തിൽ സൈബർ സെല്ലിന് പരാതി നൽകിയിട്ടുണ്ട്. ഇത്തരത്തിൽ വ്യാജസന്ദേശം തയ്യാറാക്കുകയും അത് പ്രചരിപ്പിക്കുകയും ചെയ്യുന്നവർക്കെതിരെ കർശനനടപടിയെടുക്കുമെന്ന് ലാൽജി പറഞ്ഞു.