Virat Kohli: ട്വന്റി 20 ലോകകപ്പിലെ മോശം ഫോം തുടര്‍ന്ന് ഇന്ത്യന്‍ താരം വിരാട് കോലി. ഇംഗ്ലണ്ടിനെതിരായ സെമി ഫൈനല്‍ മത്സരത്തില്‍ ഒന്‍പത് പന്തില്‍ ഒന്‍പത് റണ്‍സെടുത്താണ് കോലി പുറത്തായത്. ഈ ടൂര്‍ണമെന്റില്‍ ഏഴ് ഇന്നിങ്‌സുകളില്‍ നിന്ന് കോലിക്ക് നേടാനായത് വെറും 75 റണ്‍സ് മാത്രം. രണ്ട് തവണ മാത്രമാണ് കോലിയുടെ വ്യക്തിഗത സ്‌കോര്‍ രണ്ടക്കം കണ്ടത്. രണ്ട് തവണ പൂജ്യത്തിനു പുറത്തായി. സെമി ഫൈനലില്‍ കൂടി റണ്‍സ് കണ്ടെത്താന്‍ സാധിക്കാതെ വന്നതോടെ കോലി അതീവ നിരാശനായി.
