വരാനിരിക്കുന്ന ഐപിഎല്‍ ടൂര്‍ണമെന്റില്‍ കോലിയും സഞ്ജുവും ധോനിയും രോഹിത്തുമുള്‍പ്പടെ നിരവധി താരങ്ങളുടെ മികച്ച പ്രകടനത്തിനായാണ് ഓരോ ക്രിക്കറ്റ് പ്രേമികളും കാത്തിരിക്കുന്നത്. അതുപോലെ തന്നെ ഐപിഎല്‍ 2024 സീസണില്‍ ഏറ്റവുമധികം പണം പ്രതിഫലമായി വാങ്ങുന്ന താരങ്ങളുടെ പ്രകടനത്തെയും ആരാധകര്‍ ഉറ്റുനോക്കുന്നുണ്ട്. കഴിഞ്ഞ ലേലത്തില്‍ 24.75 കോടി മുടക്കിയാണ് കൊല്‍ക്കത്ത നൈറ്റ് റൈഡേഴ്‌സ് ഓസ്‌ട്രേലിയന്‍ പേസറായ മിച്ചല്‍ സ്റ്റാര്‍ക്കിനെ ടീമിലെത്തിച്ചത്.
നീണ്ട 9 വര്‍ഷക്കാലത്തെ ഇടവേളയ്ക്ക് ശേഷമാണ് സ്റ്റാര്‍ക് ഐപിഎല്ലില്‍ കളിക്കാനൊരുങ്ങുന്നത്.ഐപിഎല്ലില്‍ ഏറ്റവും പ്രതിഫലം വാങ്ങുന്ന താരമെന്ന പ്രൈസ് ടാഗ് പക്ഷെ സ്റ്റാര്ക്കിന് ബാധ്യതയാകില്ലെന്ന് കൊല്‍ക്കത്ത ടീം പരിശീലകനായ മുന്‍ ഇന്ത്യന്‍ താരം ഗൗതം ഗംഭീര്‍ പറയുന്നു.രാജ്യാന്തര ക്രിക്കറ്റില്‍ ഓസ്‌ട്രേലിയയ്ക്ക് വേണ്ടി ചെയ്യുന്ന കാര്യങ്ങള്‍ കെകെആറിന് വേണ്ടിയും ചെയ്യാന്‍ സ്റ്റാര്ക്കിന് കഴിയുമെന്നാണ് ഗംഭീര്‍ പ്രതീക്ഷ പ്രകടിപ്പിച്ചത്.
