ഐപിഎല്ലിലും രാജ്യാന്തര ക്രിക്കറ്റിലും റൺസ് വിട്ടുനൽകുന്നതിൽ ഏറെ പഴിക്കേട്ടിരുന്ന താരമാണ് ഇന്ത്യൻ പേസർ മുഹമ്മദ് സിറാജ്. എന്നാൽ ഈ ചീത്തപേര് തിരുത്തിയെഴുതിയിക്കുകയാണ് താരം ഇപ്പോൾ. ഈ വർഷം ഇതുവരെ ഏറ്റവും കൂടുതൽ മെയ്ഡൻ ഓവറുകൾ എറിഞ്ഞ താരമെന്ന നേട്ടമാണ് സിറാജ് തൻ്റെ പേരിൽ കുറിച്ചത്.
ഈ വർഷം പവർപ്ലേയിൽ 10 മെയ്ഡൻ ഓവറുകളാണ് സിറാജ് എറിഞ്ഞത്. 10 ഏകദിനത്തിൽ നിന്ന് 13 വിക്കറ്റാണ് സിറാജ് ഇതുവരെ വീഴ്ത്തിയത്. 4.82 ആണ് താരത്തിൻ്റെ എക്കോണമി. അതേസമയം ടി20യിൽ മോശം പ്രകടനമാണ് താരം നടത്തുന്നത്. 5 ടി20 മത്സരങ്ങളിൽ നിന്ന് 5 വിക്കറ്റാണ് താരം ഈ വർഷം നേടിയത്. ഇക്കോണമി 10.45 ആണ്.