അടുത്തവര്‍ഷം ഇന്ത്യയിലും ശ്രീലങ്കയിലുമായി നടക്കുന്ന ടി20 ലോകകപ്പിന് യോഗ്യത നേടി ഫുട്‌ബോളിലെ കരുത്തരായ ഇറ്റലി. യൂറോപ്യന്‍ യോഗ്യത മത്സരത്തില്‍ ജേഴ്‌സിക്കെതിരെ സ്‌കോട്ട്ലന്‍ഡ് ഒരു വിക്കറ്റിന്റെ തോല്‍വി വഴങ്ങിയതോടെയാണ് അവസാന യോഗ്യതാ മത്സരത്തില്‍ നെതര്‍ലന്‍ഡ്‌സിനോട് തോറ്റിട്ടും ഇറ്റലി നെറ്റ് റണ്‍റേറ്റിന്റെ ആനുകൂല്യത്തില്‍ ടി20 ലോകകപ്പിന് യോഗ്യത നേടിയത്. നെതര്‍ലന്‍ഡ്‌സിനെതിരെ 9 വിക്കറ്റിനായിരുന്നു ഇറ്റലിയുടെ തോല്‍വി.
