ത്രിരാഷ്ട്ര ഏകദിന ക്രിക്കറ്റ് ഫൈനലില്‍ ശ്രീലങ്കയ്ക്ക് കൂറ്റന്‍ വിജയലക്ഷ്യം. ടോസ് നേടി ആദ്യം ബാറ്റിംഗ് തിരെഞ്ഞെടുത്ത ഇന്ത്യ ഓപ്പണര്‍ സ്മൃതി മന്ദാനയുടെ സെഞ്ചുറിക്കരുത്തില്‍ 50 ഓവറില്‍ 7 വിക്കറ്റ് നഷ്ടത്തില്‍ 342 റണ്‍സാണ് അടിച്ചത്. 101 പന്തില്‍ 106 റണ്‍സുമായി കളം നിറഞ്ഞ സ്മൃതി മന്ദാനയാണ് ഇന്ത്യയുടെ ടോപ് സ്‌കോറര്‍. ഹര്‍ലീന്‍ ഡിയോള്‍(47), ക്യാപ്റ്റന്‍ ഹര്‍മന്‍ പ്രീത് കൗര്‍(41), പ്രതിക റാവല്‍(30) എന്നിവരും ഇന്ത്യയ്ക്കായി തിളങ്ങി. ശ്രീലങ്കയ്ക്ക് വേണ്ടി മാല്‍ക്കി മദാരയും ഡെവ്മി വിഹാങ്കയും സുഗന്ധിക കുമാരിയും 2 വിക്കറ്റുകള്‍ വീതം വീഴ്ത്തി.
