India vs Bangladesh, 1st Test: ഇന്ത്യ-ബംഗ്ലാദേശ് ഒന്നാം ടെസ്റ്റിനു ചെപ്പോക്കില്‍ തുടക്കം. ടോസ് ലഭിച്ച ബംഗ്ലാദേശ് ഇന്ത്യയെ ബാറ്റിങ്ങിനയച്ചു. ഇന്ത്യന്‍ സമയം രാവിലെ 9.30 മുതലാണ് ടെസ്റ്റ് മത്സരം. സ്പോര്‍ട്സ് 18 ചാനലിലും ജിയോ സിനിമ ഒടിടി പ്ലാറ്റ്ഫോമിലും മത്സരം തത്സമയം കാണാം. ഗൗതം ഗംഭീര്‍ മുഖ്യ പരിശീലകനായി എത്തിയ ശേഷമുള്ള ഇന്ത്യയുടെ ആദ്യ ടെസ്റ്റ് മത്സരമാണ് ഇത്.
റിഷഭ് പന്തിനൊപ്പം കെ.എല്‍.രാഹുലും ഇന്ത്യയുടെ പ്ലേയിങ് ഇലവനില്‍ ഇടംപിടിച്ചിട്ടുണ്ട്. രവിചന്ദ്രന്‍ അശ്വിനും രവീന്ദ്ര ജഡേജയുമാണ് സ്പിന്നര്‍മാര്‍. മൂന്ന് പേസര്‍മാരുമായാണ് ഇന്ത്യ ഒന്നാം ടെസ്റ്റ് കളിക്കാന്‍ ഇറങ്ങിയിരിക്കുന്നത്.
രണ്ട് മത്സരങ്ങളാണ് ടെസ്റ്റ് പരമ്പരയില്‍ ഉള്ളത്. സെപ്റ്റംബര് 27 മുതലാണ് രണ്ടാം ടെസ്റ്റ്. ഒക്ടോബര്‍ ആറ് മുതല്‍ 12 വരെയായി മൂന്ന് ട്വന്റി 20 മത്സരങ്ങളും നടക്കും.