വെസ്റ്റിന്‍ഡീസ് ബാറ്റിംഗ് ഇതിഹാസം ക്രിസ് ഗെയ്‌ല്‍ വീണ്ടും വാര്‍ത്തകളില്‍ നിറയുകയാണ്. ഇത്തവണ പക്ഷേ വിവാദങ്ങളൊന്നുമല്ല, നല്ല വാര്‍ത്ത തന്നെ. ട്വന്‍റി20യില്‍ ഏറ്റവും വേഗത്തില്‍ അര്‍ദ്ധസെഞ്ച്വറിയടിച്ചാണ് ഗെയ്‌ല്‍ റെക്കോര്‍ഡിട്ടിരിക്കുന്നത്.
ഓസ്ട്രേലിയന്‍ ബിഗ് ബാഷ് ലീഗിലാണ് ക്രിസ് ഗെയ്‌ലിന്‍റെ ഈ അസാധാരണ പ്രകടനം. വേഗമേറിയ അര്‍ദ്ധസെഞ്ച്വറിയുടെ കാര്യത്തില്‍ ഇതോടെ ഇന്ത്യയുടെ യുവരാജ് സിംഗിനൊപ്പമെത്തിയിരിക്കുകയാണ് ക്രിസ് ഗെയ്‌ല്‍. 2007ല്‍ ഇംഗ്ലണ്ടിനെതിരെയായിരുന്നു യുവരാജ് ഈ റെക്കോര്‍ഡ് സ്ഥാപിച്ചത്.