സഞ്ജുവിനൊപ്പം യശസ്വി ജയ്‌സ്വാള്‍, റിയാന്‍ പരാഗ് എന്നിവരെയും വിദേശ താരമായി ഷിമ്രോണ്‍ ഹെറ്റ്മയറിനെയും രാജസ്ഥാന്‍ നിലനിര്‍ത്തി. ബട്‌ലറെ ലേലത്തില്‍ വിടാനും തീരുമാനിച്ചു. താരലേലത്തില്‍ 15.75 കോടിക്കാണ് ഗുജറാത്ത് ബട്‌ലറെ സ്വന്തമാക്കിയത്.
ഈ സീസണില്‍ മൂന്ന് ഇന്നിങ്‌സുകളില്‍ നിന്ന് 83 ശരാശരിയില്‍ 166 റണ്‍സാണ് ബട്‌ലര്‍ നേടിയത്. സ്‌ട്രൈക് റേറ്റ് 172.92 ആണ്. നിലവിലെ ഫോം തുടര്‍ന്നാല്‍ ഗുജറാത്തിന്റെ ട്രംപ് കാര്‍ഡായി ജോസ് ബട്‌ലര്‍ മാറുമെന്നാണ് രാജസ്ഥാന്‍ ആരാധകര്‍ അടക്കം പ്രവചിക്കുന്നത്. ബട്‌ലറെ രാജസ്ഥാന്‍ നിലനിര്‍ത്താതിരുന്നത് ഏറ്റവും മോശം തീരുമാനമായിരുന്നെന്നും ആരാധകര്‍ കുറ്റപ്പെടുത്തുന്നു.
