മലയാള സിനിമയില്‍ നേരിടേണ്ടിവന്ന ദുരനുഭവത്തെക്കുറിച്ച് പറഞ്ഞ് നടന്‍ തിലകന്റെ മകള്‍ സോണിയ. അച്ഛനെ സംഘടനയില്‍ നിന്നും പുറത്താക്കിയതില്‍ മോളോട് മാപ്പ് പറയണമെന്ന് പറഞ്ഞുകൊണ്ട് ഒരു പ്രമുഖ നടന്‍ മുറിയിലേക്ക് വരാന്‍ ആവശ്യപ്പെട്ടെന്നും സന്ദേശങ്ങള്‍ അയച്ചുവെന്നുമാണ് സോണിയ തിലകന്‍ വ്യക്തമാക്കിയത്.
നടന്റെ ഉദ്ദേശം മോശമാണെന്നാണ് പിന്നീട് വന്ന സന്ദേശങ്ങളില്‍ നിന്നും മനസിലായതെന്നും. ജസ്റ്റിസ് ഹേമ കമ്മിറ്റി റിപ്പോര്‍ട്ട് പുറത്തുവന്ന സാഹചര്യത്തില്‍ ഇരകള്‍ക്ക് നീതി ലഭിക്കാനുള്ള നടപടി സര്‍ക്കാര്‍ സ്വീകരിക്കണമെന്നും റിപ്പോര്‍ട്ടിലെ ബാക്കി പേജുകള്‍ കൂടി പുറത്തുവിടണമെന്നും സോണിയ തിലകന്‍ ആവശ്യപ്പെട്ടു.
സംഘടനയിലെ പുഴുക്കുത്തുകളെക്കുറിച്ച് പറഞ്ഞതിലാണ് അച്ഛന്‍ ക്രൂശിക്കപ്പെട്ടത്. സംഘടനയില്‍ മാഫിയയും ഗുണ്ടായിസവും ഉണ്ടെന്നും അംഗങ്ങളുടെ ക്ഷേമത്തിന് വേണ്ടിയുള്ളതല്ലെന്നും അദ്ദേഹം തുറന്ന് പറഞ്ഞതിനാണ് നടപടി എടുത്തതെന്നും അതിലും വലിയ കാര്യങ്ങള്‍ ചെയ്തവരെ സംഘടന നിലനിര്‍ത്തിയെന്നും സോണിയ ആരോപിച്ചു.