ഷാരൂഖ് ഖാന്‍ ദീപിക പദുക്കോണ്‍ ചിത്രം പഠാന്‍ ജനുവരി 25ന് തിയേറ്ററുകളില്‍ എത്തും. നാലുവര്‍ഷത്തെ ഇടവേളക്കുശേഷം ഷാരൂഖ് തിരിച്ചെത്തുന്ന സിനിമ കാണാനായി കാത്തിരിക്കുകയാണ് ആരാധകര്‍. സിനിമയുടെ പുതിയ പോസ്റ്ററുകള്‍ പുറത്തിറങ്ങി. ട്രെയിലര്‍ നാളെ രാവിലെ 11 മണിക്ക് പുറത്ത് വരും എന്ന് നിര്‍മ്മാതാക്കള്‍ അറിയിച്ചു.
ഹിന്ദിക്ക് പുറമേ തമിഴ്, തെലുങ്ക് ഭാഷകളിലും റിലീസ് ഉണ്ട്.സിദ്ധാര്‍ത്ഥ് ആനന്ദ് സംവിധാനം ചെയ്യുന്ന സിനിമ ഒരു ഹൈ-ഒക്ടെയ്ന്‍ ആക്ഷന്‍ ചിത്രമാണെന്നാണ് വിവരം. ജോണ്‍ എബ്രഹാമും പ്രധാന വേഷത്തില്‍ എത്തുന്നതിനാല്‍ വലിയ പ്രതീക്ഷയോടെയാണ് സിനിമാലോകം കാത്തിരിക്കുന്നത്.