എസ് എന്‍ സി ലാവ്‌ലിന്‍ കേസില്‍ മുഖ്യമന്ത്രി പിണറായി വിജയന്‍ ഉള്‍പ്പടെയുള്ളവരെ കുറ്റവിമുക്തരാക്കിയ ഹൈക്കോടതി വിധിക്കെതിരെ സി ബി ഐ സുപ്രീംകോടതിയില്‍ അപ്പീല്‍ നല്‍കി.
മുഖ്യമന്ത്രി ഉള്‍പ്പടെയുള്ളവര്‍ കുറ്റക്കാരല്ലാതാവുകയും ഉദ്യോഗസ്ഥര്‍ മാത്രം വിചാരണ നേരിടുകയും ചെയ്യുന്ന സാഹചര്യമാണ് ഉത്തരവിലൂടെ ഉണ്ടായിരിക്കുന്നതെന്നും അതിനാല്‍ അത് ന്യായീകരിക്കാനാവില്ലെന്നുമാണ് അപ്പീലില്‍ സി ബി ഐ വ്യക്തമാക്കിയിരിക്കുന്നത്.
ലാവ്‌ലിന്‍ കേസില്‍ പ്രതിപ്പട്ടികയില്‍ ഉള്‍പ്പെട്ടവര്‍ക്ക് കൂട്ടുത്തരവാദിത്തമാണ് ഉള്ളതെന്നും സി ബി ഐ അപ്പീലില്‍ പറയുന്നു. അപ്പീല്‍ വെള്ളിയാഴ്ച സുപ്രീംകോടതി പരിഗണിക്കും.
ചെങ്കുളം, പള്ളിവാസല്‍, പന്നിയാര്‍ ജലവൈദ്യുത പദ്ധതികളുടെ നവീകരണത്തിന് പിണറായി വിജയന്‍ വൈദ്യുതമന്ത്രിയായിരിക്കെ എസ് എന്‍ സി ലാവ്‌ലിന്‍ കമ്പനിയുമായി ഉണ്ടാക്കിയ കരാര്‍ സര്‍ക്കാരിന് 374 കോടി രൂപയുടെ നഷ്ടമുണ്ടാക്കി എന്നാണ് കേസ്.