ആശങ്ക: രാജ്യത്ത് പ്രതിദിന കൊവിഡ് കേസുകള്‍ കുറയുന്നെങ്കിലും മരണനിരക്ക് കുറയുന്നില്ല

രാജ്യത്ത് പ്രതിദിന കൊവിഡ് കേസുകള്‍ കുറയുന്നെങ്കിലും മരണനിരക്ക് കുറയുന്നില്ല. കഴിഞ്ഞ 24 മണിക്കൂറിനിടെ രാജ്യത്ത് കൊവിഡ് സ്ഥിരീകരിച്ചത് 70,421 പേര്‍ക്കാണ്. കഴിഞ്ഞ 72 ദിവസങ്ങള്‍ക്കിടയിലെ ഏറ്റവും കുറഞ്ഞ കണക്കാണിത്. 1,19,501 പേര്‍ രോഗമുക്തരായിട്ടുണ്ട്. എന്നാല്‍ 3921പേരാണ് രോഗം മൂലം കഴിഞ്ഞ ദിവസം മരണപ്പെട്ടത്.

രാജ്യത്തെ ആകെ കൊവിഡ് കേസുകളുടെ എണ്ണം 2,95,10410 ആയി ഉയര്‍ന്നിട്ടുണ്ട്. ആകെ മരണം 3,74,305 ആണ്. നിലവില്‍ 9,73,158 പേരാണ് രാജ്യത്ത് കൊവിഡ് ചികിത്സയില്‍ കഴിയുന്നത്.