ചണ്ഡീഗഡ്: സർവകലാശാല വനിതാഹോസ്റ്റലിൽ നിന്നുമുള്ള ബാത്റൂം ദൃശ്യങ്ങൾ ചോർന്നെന്ന പരാതിയിൽ 3 പേർ അറസ്റ്റിലായി. ദൃശ്യങ്ങൾ കാമുകന് അയച്ചുനൽകിയ പെൺകുട്ടിയും കാമുകനുമടക്കം 3 പേരാണ് പോലീസ് പിടിയിലായത്.
പെൺകുട്ടി ഹോസ്റ്റലിലെ സഹപാഠികളുടെ കുളിമുറി ദൃശ്യങ്ങൾ പകർത്തി പ്രചരിപ്പിച്ചുവെന്ന വാദത്തിൽ കഴമ്പില്ലെന്നും സ്വന്തം വീഡിയോദൃശ്യം മാത്രമാണ് പെൺകുട്ടി കാമുകനുമായി പങ്കുവെച്ചതെന്ന് പോലീസ് വ്യക്തമാക്കി. എന്നാൽ പോലീസ് വിശദീകരണത്തിന് പിന്നാലെ വിദ്യാർഥികൾ പ്രതിഷെധം ശക്തമാക്കിയ പശ്ചാത്തലത്തിൽ ഈ മാസം 24 വരെ വരെ സർവകലാശാലകൾ അടച്ചിടും.
വിദ്യാർഥികളുടെ പ്രതിഷേധങ്ങളുടെ പശ്ചാത്തലത്തിൽ ഹോസ്റ്റൽ വാർഡനെ അധികൃതർ സ്ഥലം മാറ്റിയിട്ടുണ്ട്. സംഭവത്തിൽ പഞ്ചാബ് മുഖ്യമന്ത്രി ഭഗവന്ത് മൻ അന്വേഷണത്തിനുത്തരവിട്ടിട്ടുണ്ട്.