താലി കെട്ടിയതിന് പിന്നാലെ കതിര്‍മണ്ഡപത്തില്‍ വരന്‍ കുഴഞ്ഞു വീണുമരിച്ചു. പഞ്ചാബിലെ മോഗാ പട്ടണത്തിലുള്ള ഫിറോ സ്പ്പൂര്‍ പാലസിലാണ് സംഭവം. പര്‍വാന നഗര്‍ സ്വദേശിയായ സൗരഭ് ഖേഡയാണ് (28) മരിച്ചത്. സൗരഭ് ഖേഡയുടെ അയല്‍ക്കാരിയായ പ്രീത് ആയിരുന്നു വധു.
വിവാഹ മുഹൂര്‍ത്തമായ കഴിഞ്ഞ ദിവസം രാത്രിയാണ് നാടിനെ നടുക്കിയ സംഭവമുണ്ടായത്. ആഘോഷ പൂര്‍വ്വമായി നടന്ന വിവാഹത്തില്‍ താലികെട്ടിന് ശേഷം പ്രീത് സൗരഭിന് വരണമാല്യം ചാര്‍ത്തി. തുടര്‍ന്ന് പ്രതീതിന്റെ കഴുത്തില്‍ മാല ഇടുന്നതിനിടെ സൗരഭ് കുഴഞ്ഞു വീഴുകയായിരുന്നു.
നിലത്തുവീണ് പിടഞ്ഞ സൗരഭിന് ബന്ധുക്കള്‍ വെള്ളം നല്‍കിയെങ്കിലും അദ്ദേഹത്തിന് കുടിക്കാന്‍ സാധിച്ചില്ല. ശ്വാസതടസം മൂലം പിടയുന്ന സൗരഭിനെ കണ്ട സുഹൃത്തുക്കളും ഭയന്നു. ഇതിനിടെ പ്രീത് ബോധരഹിതയായി. രണ്ടു പേരെയും ഉടന്‍ തന്നെ ആശുപത്രിയില്‍ എത്തിച്ചെങ്കിലും സൗരഭിനെ രക്ഷിക്കാനായില്ല.
ഹൃദയസ്തംഭനമാണ് സൗരഭിന്റെ മരണകാരണമെന്ന് ഡോക്‍ടര്‍മാര്‍ വ്യക്തമാക്കി. അതേസമയം, ആഘാതത്തില്‍ നിന്നും പ്രീത് മുക്തയായിട്ടില്ല.