പൗരത്വ ഭേതഗതി നിയമത്തിനെതിരെ പ്രതിഷേധം നടക്കുന്ന ഷഹീൻ ബാഗിൽ സമരക്കാർക്ക് നേരെ വെടിയുതിർത്ത് യുവാവ്. ഹിന്ദുരാഷ്‌ട്ര സിന്ദാബദ് എന്ന് ആക്രോഷിച്ചുകൊണ്ടായിരുന്നു അക്രമം. സംഭവത്തിൽ ആർക്കും പരിക്കേറ്റില്ല. യുവാവിനെ പൊലീസ് കസ്റ്റഡിയിലെത്തു.
പൊലീസ് ബാരിക്കേട് ചാടിക്കടന്ന് അക്രമി രണ്ട് റൗണ്ട് വെടിയുതിർത്തു എന്ന് ദൃക്സാക്ഷികൾ പറയുന്നു. ഈ രാജ്യത്ത് ഹിന്ദുക്കൾക്ക് അല്ലാതെ മറ്റാർക്കും അഭിപ്രായം പറയാൻ അവകാശമില്ല എന്നായിരുന്നു പൊലീസ് പിടികൂടിയപ്പോൾ ഇയാൾ വിളിച്ചുപറഞ്ഞുകൊണ്ടിരുന്നത്.
സംഭവത്തിൽ അന്വേഷണം ആരംഭിച്ചതായി ഈസ്റ്റ് ഡെൽഹി കമ്മീഷണർ ചിമോയ് ബിസ്വാൾ പറഞ്ഞു. മൂന്ന് ദിവസത്തിനിടെ ഇത് രണ്ടാം തവണയാണ് ഡൽഹിയിൽ പൗരത്വ ഭേദഗതി നിയമത്തിനെതിരെ പ്രതിഷേധം നടത്തുന്നവർക്ക് നേരെ വെടിവപ്പ് ഉണ്ടാകുന്നത്. നിയമത്തിനെതിരെ പ്രതിഷേധം നടത്തിയ ജാമിയ മില്ലിയ സരവകലാശാലയിലെ വിദ്യാർത്ഥികൾക്ക് നേരെ കഴിഞ്ഞ ദിവസം 17കാരൻ വെടിയുതിർത്തിരുന്നു.