പത്താം ക്ലാസ് പരീക്ഷാഫലം കാത്തിരിക്കുന്ന വിദ്യാർഥികൾക്ക് ആത്മവിശ്വാസം പകരാം തന്റെ പത്താം ക്ലാസിലെ മാർക്ക് ലിസ്റ്റ് പങ്കുവെച്ച് ഐഎഎസ് ഉദ്യോഗസ്ഥൻ.ഗുജറാത്തിലെ ഭറൂച് ജില്ലാകളക്ടറായ തുഷാർ ഡി സുമേരെയുടെ മാർക്ക് ലിസ്റ്റാണ് ട്വിറ്ററിലൂടെ ഷെയർ ചെയ്തത്.
ബോർഡ് പരീക്ഷയിൽ ഇംഗ്ളീഷിന് 35 മാർക്കും കണക്കിന് 36 മാർക്കും നേടിയാണ് താൻ പത്താം ക്ലാസ് എന്ന കടമ്പ കടന്നതെന്ന് തുഷാർ പറയുന്നു. തുഷാറിന്റെ ഫോട്ടോയും അദ്ദേഹത്തിന്റെ റിപ്പോര്‍ട്ട് കാര്‍ഡിന്റെ അവ്യക്തമായ ചിത്രവും ചേര്‍ത്ത് 2009 ബാച്ച് ചണ്ഡീഗഡ് കേഡറിലെ ഐഎഎസ് ഉദ്യോഗസ്ഥനായ അവനീഷ് ശരണ്‍ ട്വിറ്റ് ചെയ്യുകയായിരുന്നു.