അലഹബാദ് ഹൈക്കോടതി വിധിയെ തുടർന്ന് ജയിലിൽ നിന്നും വിട്ടയക്കപ്പെട്ട ഡോ: കഫീൽ ഖാൻ കുടുംബത്തിനോടൊപ്പം ജയ്‌പൂരിലെത്തി. കോൺഗ്രസ് നേതാവായ പ്രിയങ്കാ ഗാനന്ധിയുടെ ഉപദേശപ്രകാരമാണ് താമസം മാറിയതെന്ന് കഫീൽ ഖാൻ പറഞ്ഞു.
തനിക്കെതിരായ കേസുകൾ കോടതി ഒഴിവാക്കിയെങ്കിലും യോഗി സര്‍ക്കാര്‍ വീണ്ടും കേസുകള്‍ ചാര്‍ത്തി തന്നെ തടങ്കലിലാക്കുമെന്ന ഭയം മൂലമാണ് ഉത്തർപ്രദേശിൽ നിന്നും ജെയ്‌പൂരിലേക്ക് വന്നതെന്ന് കഫീൽ ഖാൻ പറഞ്ഞു. പ്രിയങ്കാ ഗാന്ധിയാ രാജസ്ഥാനിൽ വന്ന് താമസിക്കാൻ നിർദേശിച്ചത്. യുപിയിൽ നിൽക്കുന്നത് സുരക്ഷിതമല്ലെന്നും പ്രിയങ്ക പറഞ്ഞു. അതിനാൽ യുപിയിൽ നിന്നും വിട്ടുനിൽക്കാൻ തീരുമാനിച്ചു. കഫീൽ ഖാൻ പറഞ്ഞു.
കഴിഞ്ഞ ഏഴര മാസത്തോളമായി ഒരുപാട് മാനസിക-ശാരീരിക പീഡനങ്ങള്‍ അനുഭവിച്ചതായും രാജസ്ഥാനിൽ കോൺഗ്രസ് സർക്കാർ ആയതിനാൽ അവിടെ സുരക്ഷിതമാണന്നാണ് കരുതുന്നതും കഫീൽ ഖാൻ പറഞ്ഞു.