അശ്ലീല വിഡിയോ പോര്‍ട്ടലുകള്‍ നിരോധിച്ച ഇന്ത്യയുടെ നിലപാടിനെതിരെ പോണ്ഹബ്. പോണ്‍‌സൈറ്റുകള്‍ നിരോധിച്ചത് രാജ്യത്തെ ജനങ്ങളോട് ചെയ്ത ദ്രോഹമാണെന്ന് പോണ്ഹബ് വൈസ് പ്രസിഡന്‍റ് കൊറി പ്രൈസ് പറഞ്ഞു.
നിരോധനം മൂലം അപകടകരമായ പോണ്‍ സൈറ്റുകള്‍ ആളുകളിലേക്ക് എത്തും. അതിന്റെ അനന്തരഫലം ഇപ്പോള്‍ നിര്‍ണയിക്കുക ബുദ്ധിമുട്ടാണ്. ഇന്ത്യയില്‍ പോണോഗ്രാഫിക്കെതിരെയും സ്വകാര്യമായി പോണ്‍ കാണുന്നതിനെതിരെയും ഒരു നിയമവുമില്ല. അതിനാല്‍ യാതൊരു കുറ്റവും ചുമത്താന്‍ സാധിക്കില്ലെന്നും കൊറി പ്രൈസ് വ്യക്തമാക്കി.
ഉത്തരാഖണ്ഡ് ഹൈക്കോടതിയുടെ ഉത്തരവിന്റെ അടിസ്ഥാനത്തില്‍ 827 പോൺ സൈറ്റുകളാണ് കേന്ദ്ര സർക്കാർ ബ്ലോക്ക് ചെയ്‌തത്.
827 പോണ്‍ സൈറ്റുകളും 30 സാധാരണ വെബ്സൈറ്റുകളും ബ്ലോക്ക് ചെയ്യാനാണ് കോടതി ഉത്തരവ്. ഇതിന്റെ അടിസ്ഥാനത്തിൽ 30 സാധാരണ സൈറ്റുകളെ ഒഴിവാക്കി 827 പോൺ സൈറ്റുകൾ ബ്ലോക്ക് ചെയ്യാൻ കേന്ദ്ര ഐടി വകുപ്പ് ടെലികോ മന്ത്രാലയത്തിന് നിർദേശം നൽകുകയായിരുന്നു.
രാജ്യത്തെ ഏറ്റവും വലിയ രണ്ടാമത്തെ ടെലികോം ദാതാക്കളായ റിലയൻസ് ജിയോ പോൺസൈറ്റുകൽ ബ്ലോക്ക് ചെയ്‌തതിനു പിന്നാലെയാണ് മറ്റു നെറ്റ്‌വര്‍ക്കുകളും അശ്ലീല സൈറ്റുകള്‍ക്ക് പൂട്ടിട്ടത്.