റായ്ബറേലി: കളിക്കുന്നതിനിടെ ഒരുവയസുകാരന്‍ പാമ്പിനെ വിഴുങ്ങി. ഉത്തര്‍പ്രദേശിലെ റായ്ബറേലിയിലെ ഭോലാപ്പൂരിൽ ശനിയാഴ്ച ഉച്ചയോടെയാണ് സംഭവം ഉണ്ടായത്. കൃത്യ സമയത്ത് അമ്മ കണ്ടതോടെയാണ് അപകടമില്ലാതെ കുട്ടി രക്ഷപ്പെട്ടത്.
വീടിന് മുറ്റത്ത് കളിയ്ക്കുന്നതിനിടെ പാമ്പിൻ കുഞ്ഞിനെ കണ്ടതോടെ കുട്ടി അതിനെ എടുത്ത് വിഴുങ്ങുകയായിരുന്നു. ഇതുകണ്ട് ഒടിയെത്തിയ അമ്മ കുഞ്ഞിന്റെ വായിൽനിന്ന് പാമ്പിനെ പുറത്തെടുക്കുകയും, ഉടന്‍ തന്നെ കുട്ടിയെ അടുത്ത ആശുപത്രിയിലെത്തിക്കുകയും ചെയ്തു. ഇവിടെനിന്നും ജി്ല്ലാ ആശുപത്രിയിലേക്ക് മാറ്റി. കുട്ടിയ്ക്ക് ആന്റിവെനം ചികിത്സ നൽകിയിട്ടുണ്ട്. കുട്ടി ഇപ്പോഴും അത്യാഹിത വിഭാഗത്തില്‍ ചികിത്സയിലാണ്.