വയനാട്ടിലും കോഴിക്കോടും പാലക്കാടും ഉഗ്രശബ്ദം കേട്ടതിന് പിന്നാലെ മലപ്പുറത്തും സമാനശബ്ദം കേട്ടുവെന്ന് പ്രദേശവാസികള്‍. വീടുകളില്‍ ഇളക്കം അനുഭവപ്പെട്ടതായും ജനലുകള്‍ കുലുങ്ങിയതായും പ്രദേശവാസികള്‍ പറയുന്നു. ഇന്ന് രാവിലെ 10 മണിയോടെയായിരുന്നു സംഭവം. മലപ്പുറം ജില്ലയിലെ എടപ്പാളിലാണ് പ്രകമ്പനം അനുഭവപ്പെട്ടത്.
അതേസമയം ഒരുതരത്തിലും ആശങ്കപ്പെടേണ്ട സാഹചര്യം നിലനില്‍ക്കുന്നില്ലെന്നാണ് അധികൃതര്‍ വ്യക്തമാക്കുന്നത്. പ്രദേശത്ത് ഭൂകമ്പ സൂചനകളില്ലെന്ന കേരള ഡിസാസ്റ്റര്‍ മാനേജ്മെന്റ് അതോറിറ്റി അറിയിച്ചു. കോഴിക്കോട് കൂടരഞ്ഞിയിലും ഇടിമുഴക്കം പോലെ ഉഗ്രശബ്ദം കേട്ടതായി നാട്ടുകാര്‍ പറഞ്ഞിരുന്നു.