തമിഴ്‌നാട്ടില്‍ ലൈംഗിക പീഡനക്കേസുകളില്‍ ഉള്‍പ്പെട്ട 255 സ്‌കൂള്‍ അധ്യാപകരെ പിരിച്ചുവിടുന്നു. പീഡന കേസുകളില്‍ ഉള്‍പ്പെട്ട അധ്യാപകരുടെ യോഗ്യത റദ്ദാക്കാന്‍ സ്‌കൂള്‍ വിദ്യാഭ്യാസ മന്ത്രി ഉത്തരവിട്ടതിന് പിന്നാലെയാണ് നടപടികള്‍ തുടങ്ങിയത്. 10 വര്‍ഷത്തിനിടയില്‍ ലൈംഗിക പീഡനക്കേസുകളില്‍ ഉള്‍പ്പെട്ട സര്‍ക്കാര്‍ എയ്ഡഡ് സ്‌കൂളുകളിലെ അധ്യാപകരെ കണ്ടെത്താനുള്ള നടപടികളാണ് തുടങ്ങിയത്. ആദ്യഘട്ടത്തിലാണ് 255 പേരെ പിരിച്ചുവിടുന്നത്.
