കവയത്രി സുഗതകുമാരിക്ക് കൊവിഡ് ബാധിച്ചതിനെ തുടര്‍ന്ന് തീവ്രപരിചരണവിഭാഗത്തില്‍ പ്രവേശിപ്പിച്ചു. തിരുവനന്തപുരം മെഡിക്കല്‍ കോളേജിലാണ് കവയത്രി ഉള്ളത്. കൊവിഡ് സ്ഥിരീകരിച്ച സുഗതകുമാരിക്ക് ബ്രോങ്കോ ന്യുമോണിയെ തുടര്‍ന്നുള്ള ശ്വാസ തടസം ഉണ്ടായി. നിലവില്‍ വെന്റിലേറ്ററിന്റെ സഹായത്തോടെയാണ് ചികിത്സ നടക്കുന്നത്.
സുഗതകുമാരിയുടെ ആരോഗ്യനില നിലവില്‍ തൃപ്തികരമായി തുടരുകയാണെന്ന് ആശുപത്രി സൂപ്രണ്ട് ഡോക്ടര്‍ എംഎസ് ഷര്‍മദിന്‍ അറിയിച്ചു. മുന്‍ വനിതാ കമ്മീഷന്‍ അധ്യക്ഷയും പരിസ്ഥിതി പ്രവര്‍ത്തകയുമാണ് സുഗതകുമാരി.