മോദി ഇന്ത്യാക്കാർക്ക് നൽകിയത് ദുർദിനങ്ങൾ, ജനദ്രോഹ നടപടികളാണ് സ്വീകരിച്ചതെന്ന് പിണറായി വിജയൻ

നരേന്ദ്ര മോദി സർക്കാർ ജനദ്രോഹ നടപടികൾ സ്വീകരിക്കുന്നത് ആവേശത്തോടെയാണെന്ന് സി പി എം പൊളിറ്റിക് ബ്യൂറോ അംഗം പിണറായി വിജയൻ. ആവർത്തിച്ചുള്ള ഇന്ധനവില വർധനവ് ജനജീവിതത്തിൽ ഗുരുതരമായ പ്രതിസന്ധി സൃഷ്ടിക്കുന്നുവെന്നും പിണറായി ഫെയ്സ്ബുക്കിൽ കുറിച്ചു.

പിണറായി വിജയന്റെ ഫെയ്സ്ബുക്ക് പോസ്റ്റ്:

Disregard for the common man's income, fuel prices hiked again by Modi Govt. ആവർത്തിച്ചുള്ള ഇന്ധനവില വർധന ജനജീവിതത്തിൽ ഗുരുതരമായ പ്രതിസന്ധിയാണ് സൃഷ്ടിക്കുന്നത്.

യു പി എ സർക്കാരിന്റെ വഴിയിൽ കൂടുതൽ ആവേശത്തോടെയാണ് മോഡി ഗവർമെന്റ് ജനദ്രോഹ നടപടികളെടുക്കുന്നത്. പാചക വാതകവും മണ്ണെണ്ണയും പെട്രോളും ഡീസലും ഏറ്റവും കുറഞ്ഞ വിലയിൽ ജനങ്ങൾക്ക് ലഭ്യമാക്കാൻ സാഹചര്യമുള്ളപ്പോഴാണ് ആ കടമ മറന്ന്, ജനങ്ങൾക്ക് അന്യായ വിലവർധനയിലൂടെ ഇരുട്ടടി നൽകുന്നത്.

മോഡി കൊണ്ടുവന്നത് ഇന്ത്യക്കാർക്ക് ദുർദിനങ്ങളാണ്.