സ്വാമി അയ്യപ്പനെ നേരിൽ കാണാൻ മാത്രമല്ല ആളുകൾ തിരക്കുകൂട്ടുന്നത്. തമിഴ്‌നാട്, ആന്ധ്ര, കർണ്ണാടക സംസ്ഥാനങ്ങളിൽ നിന്ന് ദിനംപ്രതി നൂറോളം മണിയോർഡറുകളാണ് സ്വാമി അയ്യപ്പന്റെ പേരിൽ എത്തുന്നത്. 10 രൂപ മുതൽ 50 രൂപവരെയുള്ള മണിയോർഡറുകളും ഇവയിലുണ്ട്.
പണം മാത്രമല്ല, വിവാഹക്ഷണക്കത്തുകൾ ഉൾപ്പെടെ നിരവധി കത്തുകളും ഗൃഹപ്രവേശ ക്ഷണക്കത്തുകളും നന്ധിപത്രങ്ങളും ഒക്കെ അയ്യപ്പ സ്വാമിയെ അന്വേഷിച്ച് എത്തുന്നുണ്ട്.
ഇവയെല്ലാം അതത് ദിവസം തന്നെ എക്‌സിക്യൂട്ടീവ് ഓഫീസർക്ക് കൈമാറുകയും ചെയ്യും. മണ്ഡലകാലമായാൽ ഭക്തരും ജോലിക്കാരും ഒരുപോലെ ഉപയോഗിക്കുന്ന ഇടമാണ് സന്നിധാനത്തെ പോസ്‌റ്റ് ഓഫീസ്.
ഇൻസ്‌റ്റന്റ് മണിയോർഡർ, മൊബൈൽ റീച്ചാർജിംഗ് സ്‌പീഡ് പോസ്‌റ്റ് തുടങ്ങിയ സംവിധാനങ്ങളാണ് കൂടുതൽ ആളുകളും ഉപയോഗിക്കുന്നത്.