കടലുണ്ടിപ്പുഴയിലെ ഒഴുക്കില്‍പ്പെട്ട് മൂന്ന് പെണ്‍കുട്ടികള്‍ മരിച്ചു

കടലുണ്ടിപ്പുഴയിലെ ഒഴുക്കില്‍പ്പെട്ട് മൂന്ന് പെണ്‍കുട്ടികള്‍ മരിച്ചു. പന്തല്ലൂര്‍ കൊണ്ടോട്ടി വീട്ടില്‍ ഹുസൈന്റെ മകള്‍ ഫാത്തിമ ഇഫ്‌റത്ത്(19), ഇദ്ദേഹത്തിന്റെ സഹോദരനായ അബ്ദുറഹ്മാന്റെ മകള്‍ ഫാത്തിമ ഫിദ(13), പാണ്ടിക്കാട് അന്‍വറിന്റെ മകള്‍ ഷെറിന്‍(15) എന്നിവരാണ് മരിച്ചത്. ഇന്നലെ ഉച്ചയ്ക്കാണ് കുട്ടികള്‍ പുഴയിലിറങ്ങിയത്. പിന്നാലെവന്ന അബ്ദുറഹ്മാന്‍ എത്തുന്നതിനു മുന്‍പ് ഇവര്‍ പുഴയില്‍ ഇറങ്ങുകയായിരുന്നു. 

ഏറെനേരത്തെ തിരച്ചിലിനിടയിലാണ് ഫാത്തിമയുടെ മൃതദേഹം കണ്ടെത്തിയത്. പാലിയന്‍കുന്നത്തുവീട്ടില്‍ അബ്ദുല്ലക്കുട്ടിയുടെ മകള്‍ അന്‍ഷിദയെ നാട്ടുകാര്‍ രക്ഷപ്പെടുത്തിയിരുന്നു.