12 കാരന്‍ ബുള്ളറ്റുമായി റോഡില്‍ കറങ്ങിയ സംഭവത്തില്‍ പിതാവിന് ലഭിച്ചത് 13500 രൂപയുടെ പിഴ. കണ്ണൂര്‍ ആറളത്താണ് സംഭവം. പിതാവിന്റെ ബൈക്കുമായി ആറാം ക്ലാസുകാരന്‍ റോഡില്‍ ഇറങ്ങുകയായിരുന്നു. നാട്ടുകാരില്‍ ചിലര്‍ ഇത് മൊബൈലില്‍ പകര്‍ത്തി ആറളം പോലീസ് എസ് ഐ ബി വി രാജേഷിന് കൈമാറുകയായിരുന്നു.
തുടര്‍ന്നാണ് പോലീസ് ബുള്ളറ്റ് കസ്റ്റഡിയിലെടുക്കുകയും വാഹനത്തിന്റെ ആര്‍സി ഉടമയും കുട്ടിയുടെ പിതാവുമായ താഴെക്കാട്ട് യോഹന്നാനെ സ്റ്റേഷനില്‍ വിളിച്ചുവരുത്തുകയും ചെയ്തത്. ഇയാള്‍ക്ക് താക്കീത് നല്‍കുകയും 13500 രൂപ ഈടാക്കുകയും ചെയ്തു.